کلدارې د خپل ژوند ترټولو بده ورځ ولیده ، نن يو ډالر

د پاکستان کلدارې د ډالر په وړاندې تراوسه د خپل ژوند ترټولو بده ورځ هم وليده ، دا لومړی ځل چې د پاکستان کلدارې پدې شکل خپل ارزښت له لاسه ورکوي.

نن يو ډالر مساوي و د 306 کلدارو سره تبادله کېده چې دا پخپل وخت کې بې سارې ده. په دې وروستيو کې د پاکستانۍ کلدارې ثابت په کامل ډول له منځه تللی دی.

دا نه چې کلداره ښکته کېږي بلکې اصلي مشکل دادی چې د کلدارې نرخ هره ورځ بدلون کوي او هره ورځ ښکته پورته کېږي پدې صورت کې بهرنیان يا پخپله پاکستانيان خپل د پانګوونې لپاره هیڅ زړه نشي کولی.