په زينو (پوړيو) د ختلو په مهال د ژر ستړي کېدو اصلي لاملونه
د ورځني ژوند ځینې کارونه داسې وي چې ترسره کول یې د ستړیا یا ساه-ساه کېدو باعث کېږو، د بېلګې په توګه په پوړیو ختل، قدم وهنه او وزن پورته کول. خو اوس روغتیاپالانو د دې لامل موندلی او دا تر یوه حده د اندیښنې وړ هم وي.
ستړیا یا ساه-ساه کېدو ته په طبي اصطلاح ډسپینیا وایي او له دې سره ځینې نورې نښې، نښانې هم وي لکه د سینې سختوالی، ساه لنډي او نور.
روغتیاپالان وایي، دا ستونزه ډېر لاملونه لري او ځینې یې د اندیښنې وړ هم وي. موږ ټول په دې پوهېږو چې تنفسي سیستم یو ډېر پیچلی سیستم وي، په دې کې زیات غړي لکه سږي، تنفسي نلونه، شریانونه، عضلې او د بدن مختلف ریسیپټرونه، چې د اړتیا په وخت کې د ساه اخیستلو چاره ترسره کوي.
ساه لنډي هغه ناروغي ده چې په هغه کې د تنفسي لارې د پړسوب له امله تنګیږي او په ورته وخت کې ډیر بلغم تولیدیږي چې له امله یې د بدن سینسرونه په ګوته کوي چې بدن په کافي اندازه اکسیجن نه ترلاسه کوي او د ساه لنډۍ په صورت کې خطر زنګ وهي.
د متخصصینو په وینا، په داسې حالت کې بایذ د دې ناروغۍ په اړه بشپړ پوهاوی ترلاسه شي او د درملنې لټه وشي، له ټولو هغو مسئلو څخه لیرې پاتې کېدل هم اړین دي چې د ساه لنډۍ د زیاتوالي لامل کیږي
معمولاً یو زیات شمېر خلک په پوړیو د پورته کېدو پر مهال د ساه لنډۍ شکایت کوي او دا بهیر دوی ځوروي، خو ځینې روغتیاپالان وایي چې دا اړینه نه ده چې دا چاره دې لویه ستونزه وګڼل شي.
