ويرات کولي؛ د راشد خان کېچ ما په ژوند کې ليدلی ترټولو ښه کېچ و، افغانان
د راشد خان له لوري په آی پي اېل کې د یوه په زړه پورې کېچ د نيولو وروسته د هند د کرکټ د ملي ټيم مشهور لوبغاړي ويرات کولي خاموش پاتې نشو.
ويرات کولي د راشد خان له لوري د زړه حيرانونکې کېچ نيول وستايل او ورته ویې ليکل چې دا یې په ژوند کې ليدلی ترټولو ښه نيول شوی کېچ و.
د یادونې وړ ده چې د هند په سوداګريز ليګ کې افغان لوبغاړي ډېر ښه ځلیږي، د راشد خان ترڅنګ رحمن الله ګربز هم یوه ډېر جالب کېچ ونيوه او د مینوالو آفرين یې ترلاسه کړ.
