محمد رضوان: زه غواړم د افغانستان په وړاندې لوبه وکړم خو پاکستان کې
د پاکستان کرکټ ملي لوبډلې ویکټ ساتونکی توپ وهونکی محمد رضوان هیله من دی، چې هغه به د افغانستان پر وړاندې په درېیو شل اوریزه لوبو لړۍ ولوبېږي.
د افغانستان او پاکستان ترمنځ به روانه میاشت په شارجه کې د درې شل اوریزو لوبو لړۍ پیل شي، چې د دې لړۍ لپاره د پاکستان کرکټ بورډ د بابر اعظم او رضوان په ګډون یو شمېر لوبغاړو ته دمه ورکوي.
پي سي بي په پام کې لري چې نویو ته موقع ورکړي، تر څو د راتلونکي لپاره د پیاوړې او متوازنې لوبډلې د جوړولو لپاره هڅه وکړي او هغه لوبغاړي چې د پاکستان سوپر لیګ کې ښه ځلیدلي دي، هغوی ته موقع ورکوي.
د افغانستان او پاکستان ترمنځ د درې شل اوریزو لوبو لړۍ به د مارچ په ۲۴مه، ۲۶مه او ۲۷مه نېټه په شارجه کې ترسره شي، چې د دې لپاره به پاکستان په راتلونکو څو ورځو کې لوبډله اعلان کړي.
خو اوس پاکستانۍ رسنۍ راپور ورکوي چې محمد رضوان د افغانستان پر وړاندې لوبلړۍ کې ولوبېږي، هغه چې زه په فارم کې یم او غواړم دغه لوبلړۍ ولوبوم.
